طريقه عمل الفول بالسمنة

انا جيت مره تانيه عشان اقدم ليكم اكله جديده

وبما ان انا متخصص فى عمل الأكلات المستعصيه

فجيت انهرده بأكله الكل بيشتكى من صعوبه عملها

وهى ( طريقه عمل الفول بالسمنه )

انا عارف طبعا اد ايه هى اكله صعبه التحضير :>

لكن مع الماجيك مفيش اكله مستعصيه

يلا بينا نروح للخطوات

اولا هنجيب بجنيه فول من عم عبده :>

ويا ريت يكون الفول محوج

ويكون لسه طالع من القدره

ثانيا نجيب بنص جنيه سمنه من عند عم خيرى :>

وبعد كده بنجيب الوعاء ويكون من السالستين ماركه

تربو الهلال والنجمه

ونروح مولعين النار وتكون الشعله المتوسطه مش الكبيره

عشان الفول مش يتحرق اكتر ما هو محروق :>

وبعد كده تحطى السمنه فى الوعاء

وتسبيها لحد ما تقرب تتحرق

وبعد كده تجيبى الفول بتاع عم عبده

وتحوطيه فى قلب الوعاء

وبعد كده تروحى جايبه شويه فلفل على كمون على ملح

وتروحى رمياهم فى قلب الوعاء

وتقلبى كويس وبعد كده تروحى شيلاها من على النار

وبالهنا والشفا

ينصح بإستخدام هذا الرقم ( 123 )

عند اللزوم :>

يسلمووووووو

الله يسلمك

بارك الله فيك

العفو